Эрон Ислом Республикасининг Ўзбекистондаги элчиси Муҳаммадали Искандарийнинг Ўзбекистон Республикаси Инвестициялар, саноат ва савдо вазири Лазиз Қудратов билан учрашувида икки мамлакат ўртасидаги иқтисодий, савдо ва саноат соҳаларидаги ҳамкорликни янада ривожлантириш масалалари муҳокама қилинди.  Учрашув давомида иқтисодий, савдо, кончилик, қишлоқ хўжалиги ва энергетика соҳаларидаги ҳамкорликни янада кенгайтириш, товарларни ўзаро етказиб беришни таъминлаш ҳамда турли йўналишларда ҳудудлараро ҳамкорликни ривожлантириш масалаларига алоҳида эътибор қаратилди.