2025 йил 30 июнь, душанба куни Ўзбекистон Республикаси Бош вазири Абдулла Арипов Эрон Ислом Республикасининг Тошкентдаги элчихонасига ташриф буюриб, сионистик режим тажовузи қурбонлари хотирасига эҳтиром бажо келтирди. Абдулла Арипов элчихонада мазкур жинояткорона тажовуз қурбонлари хотирасига очилган ҳамдардлик дафтарига ёзув қолдириш асносида Эрон халқи ва ҳукумати ҳамда қурбонларнинг яқинларига ҳамдардлик билдирди. Ушбу ташриф чоғида Ўзбекистон Республикасининг иккита вазири ҳамда мамлакат ташқи ишлар вазирининг биринчи ўринбосари Бош вазирга ҳамроҳлик қилдилар. Улар Ўзбекистон Республикаси Президенти Шавкат Мирзиёевнинг ҳам Эрон халқи ва ҳукуматига ҳамдардлигини Эрон томонига етказиб қўйдилар.